Umeen gabonetako parkea

Aurten, beti bezala, gabonetan ipintzen den umeen parkea ipiniko da; Umeen Gabonetako Parkea hain zuzen ere. Eskaintza ludiko eta didaktiko ugari eta zabalaz gozatzeko, non aisialdi, dibertimendu eta denbora-pasa programa betea eta era askotakoa aurkeztuko den.

Beti bezala, joko, kirol eta tailer-jardueren eta betiko barraken eskaintza apartekoa izango da. Abenduaren 17tik urtarrilaren 8ra arte egongo da, Barakaldoko Bilbao Exhibition Centre-ren.

Anima zaitezte eta joan zuen seme-alabekin.

Jarraian uzten dizuet aurtengo kartel irabazlea.

Aisialdia denbora-pasa baino askoz ere gehiago

Ikaskuntza, bizitza osoan zehar luzatzen den prozesu amaigabea da eta prozesu hau bizitzako esparru guztietara zabaltzen da. Gainera, ikastetxeetan, umeek liburu artean igarotzen dituzten orduez gain, etengabe ikasten dihardute bizitzako eremu ezberdinetan. Honekin, gure burua eraikitzen doa, balore eta ezagutza desberdinekin. Etengabeko prozesu honetan, aisialdiak ere garrantzia handia du; baina oraindik, lan asko egin behar dugu.

Izan ere, gizarteak, askotan, eskola eta gurasoen funtzio hezitzailea kolokan jartzen ditu. Eta honek, etorkizuneko helduak izango diren gaurko haurren heziketan eragin zuzena du.

Ezin ahaztu asko direla gaur egun haurrek eskolan igarotzen dituzten orduak, baina, are gehiago dira bertatik kanpo pasatzen dituztenak. Haurrentzat, nagusientzat arnasa hartzea besteko garrantzitsua da jolastea eta baita gazteentzat beraien gustuko ekintzak egiteko espazioez gozatzea ere. Aisiaren bidez tentsioak askatzen ditugulako eta ondorioz, pertsona giza hezteko ezinbesteko esparrua dugu.

Horregatik, aisialdia denbora-pasa hutsa baino askoz ere gehiago denez, beharrezkoa da aisiari berebiziko garrantzia ematea.